Zumaiako Udaleko Hirigintza, Ingurumena eta Zerbitzuak Sailak hala eskatuta, aixe taldeak Zumaiako herri-bideak seinaleztatu ditugu. Proiektuaren helburuak, alorraren arabera:
- MUGIKORTASUN JASANGARRIA: landa-auzoak herritarrei gerturatzea, bereziki jabetza publikoko bideak eta erabilera publikokoak erabiliz.
- KULTURA: landa-eremuko elementuen toponimia berreskuratu eta herritarren artean ezagutzera ematea; herritarrak medioaren interpretazioan heztea.
- NATURA: Zumaiako landa eta natur inguruneak sustatzea herritarren artean eta gisa horretako baliabideak ezagutzera ematea.
- KIROLA ETA JARDUERA FISIKOA: oinez (eta kasuren batean korrika edota bizikletaz) egiteko moduko bideak segurtasunez egin ahal izateko moduan seinaleztatzea eta bizimodu aktiboa sustatzea sedentarismoaren aurrean.
- AISIA: herritarren artean bertatik bertarako aisialdi-eredu aktiboa sustatzea.
- TURISMOA: landa-bideen bitartez, turismo-eredu aktiboa sustatzea.
- SEGMENTU-KOHESIOA: berau sustatzea landa-eremuko eta hiri-eremuko herritarren artean.
Horretarako, honako hauek egin ditugu:
- Inbentario ofizialeko bideak digitalizatu eta geoerreferentziatu.
- Dokumentazioa eta bideen egoera aztertu.
- Hautaturiko bide-sortari eta udalaren irudiari egokitutako seinaleak sortu.
- Balizak eta xaflak medioan instalatu.
