Oarsoaldeko Garapen Agentziak hala eskatuta, aixe taldeak eskualdeko ibilbide megalitikoen mapa eguneratu dugu. Proiektuaren helburua honako hau izan da:
- Eskualdeko ondare megalitikoa jendeari gerturatzea
Horretarako, honako hauek egin ditugu:
- Zaharkitutako euskarrian emandako informazioa bildu, aztertu, bahetu, eguneratu eta sintetizatu.
- Aurreko eskuorriaren egituran eta itxuran oinarrituta, informazioa erabiltzaileei modu erakargarrian nola eskaini erabaki (koloreetan, taldekatuta…); mapa orokorrari erliebearen informazioa gehitu, itxura errealistagoa, modernoagoa eta osoagoa emateko.
- Zehaztasun gehiagorako, ibilbide bakoitzarekin fitxa bana osatu; bakoitzean, estazio megalitiko jakinaren inguruko mapa, argazkia eta deskribapena eta nola iritsi. Gainera, QR kode batekin, erabiltzaileak track-ak deskarga ditzake Wikiloc-etik.
- Azkenik, informazioa itzuli da beste hizkuntzetara, eskuorria bera maketatu da eta aleak inprimatu eta bezeroari helarazi zaizkio.
